Fiksdal Friskule SA er ein privat skule og SFO i vekst. Vi held til i idylliske Fiksdal i Vestnes kommune. Saman med nabobygdene er vi så heldige å ha fantastisk natur, breitt næringsliv og stor skaparglede. I Fiksdal har vi barnehage, nærbutikk, kunstgrasbane, kulturliv samt kort veg til både fjell, skog og sjø.

Fiksdal Friskule er godkjent 1.-7. grunnskule på kristent grunnlag etter friskulelova. Vi ønskjer å vere ein skule der elevane føler på meistring, trivsel og motivasjon til læring. Skulen sitt motto og slagord er; «Lære gjennom å gjere».

Våre satsingsområder på Fiksdal Friskule er:

ØPraktisk retta undervisning

ØGode lesarar

ØSkulemat

ØFysiske lærebøker

ØLeksefri skule

Fiksdal ligg sentralt plassert, 20 minutt frå kommunesenteret Vestnes, 45 minutt frå Ålesund sentrum, 1 time frå Åndalsnes sentrum og 1 time frå Molde. Innanfor 45 minutt køyretur frå Fiksdal ligg det nesten 50 000 arbeidsplassar og ventar på oss. Skulen har pr. i dag 30 barn, med ein klar ambisjon om vidare vekst.